西炒飯2.0
傳統嘅所謂西炒飯，我真係冇乜興趣食😅總覺得佢係用嚟氹細路嘅😂只係用個茄汁炒飯底，加腸仔什菜炒埋一碟！
我見我班同事成日話叫我下次煮西炒飯吖！😌⋯⋯証明咗我身邊有一大班⋯⋯細佬😂
咁我無理由照板煮碗又整個茄汁炒飯㗎！所以，我將佢變一下，成為大人版本嘅西炒飯2.0⋯⋯起碼啱我自己口味先👌🏻
今日都講過，為咗加強蕃茄嘅原素，我用意大利🇮🇹茄乾，切碎加入飯裡一齊炒香，令茄乾當中嘅油份跟米粒溶合，增強每口米飯當中嘅蕃茄味道！
臘腸同潤腸用嚟代替香腸！將蒸熟嘅孖腸切成蓉，加入米飯中一齊翻炒！不單止增加香味，亦同時跟蕃茄乾同蕃茄汁產生微妙變化，亦中和咗臘腸嘅油膩感覺，美味無窮😋
#西炒飯